اعراس الالفية شبه السرية

صح ان موضوووووووووووووع منقول لكن اعجبني وحبيت اني نشارككم بيه لان لقيته يمس مجتمعنا بطريقة فكاهية

خـير خـير خـير ياليبيي ياحبيبي
خـــير يابنت المدير يا صاحبة الشعر الغزيــر واللبــس القصيــر
خــير ياولد الاميــن ياصاحب الكرش ياسميــن ياابو الملاييــن
خـــير ياولد التاكسيستــي ياولد السكلِيستــي
يــا عاشق انفاص الطن وشويشة البيبــسي

خــير عليكم وخيرين عليا

حابب نخرط شوية // ونعبر عن الاجواء المحيطة بيا

قبل الخرطة عندي شوية أهداءات نحب نهدي اغنية شارعنا القديم
للحاجة عويشة المقيمة في هافانا ونقوللها مبروك المزيودة
ونهدي اغنية ويـن عدا ويـن ياعيوني لخوي فرج سنون وبوعجيلة المكرشم ونقوله
يعوضك الله خــير في وفاة صاحبتك امباركة الدبة وخيرها في غيرها

تغيرت الدنيا وكل شي صار حس مس ..
دورة يقولك فلان انزاد عليه عيل
تي امته تزوج هوا
ياحسرة كانت اعراس زمان تقام بتكتيك معين وبخطة 5_3_2 هجومية واضحة العملية
آه يازمن كان العرس يقام في سانسيروووا وتحت اضواء كاشفة ولصبح التلعليع
خيمة 24 في 24 و2000 كرسي وفراشات وهيصة وهرجة
وكارتة وحصلة في الري لاشنب
نحي كندرتك وخش تغدى ,خمسة خمسة والزايدة مطلوبة
رز وبازين وكسكسي فايح اللحم ع المفاصل والمسير واتي وحوض مليان موز وتفاح
والمشروب شيشة والفتح بالسنون

واللي ماعنداش سنون يعول على صديق يفتحله الشيشة
درات الايام واختلفت الاحلام واصبحنا نسير إلى الامام

تغيرت الاعراس وصارت تحدث تحت تكتيك دفاعي هجومي واللعب ع المرتدة
4_4_2 الغرض منها حفظ ماء الوجه
تقام في عز النهار والملعب النهر الصناعي بدل سانسيرووا
يادوبها خيمة 6 في 6 والكراسي 20 وسرب ضي فيه لامبة وحدة
نحي كندرتك وخش بدون صوت الرجاء السكوت

اربعة اربعة ...كسكسي ولحم (بلّ )مخلط وياسعدك يلي يجيك طرف عظم تقعد تتصارع
معاه لنهاية الدوري قصدي العرس.
.امسح ايديك في ستار الخيمة وخود وانت طالع
حكة بسبسي سخونة

دارت الايام وتغيرت الاعراس
وصار نظامها وتكتيكها وخطة لعبها .زي الخماسيات
وبدون حضور جمهور والحاكم عنده نتيجة المبارة من قبل العزومة لاجارك يشعرك بيك ولاقريب يجي يهني

اعراس غمة اتم في هاديك الخلوه متع جامع بو منجل تحت حس مس
وبل ريقك ياشيخ بطاسة روزاطة وطرف عبمبر وسلم عللي تعرفه
وبعد اسبوع ولا شهر تسمع ويقولك فلان انزاد عليه عيل
تي امته تزوج ....الدنيا خت فت

الحياة تغيرت وتغيرنا معاها

اه يازمن التبحبيح والقلوب الصافية

يازمن الرخص والفرح والسعد
معدور اللي يدير عرس خماسي يعني يعزم فيه 5 انفار وبالك
عنده حق الدنيا صعبة والجيب فاضي

وربي يتمم بخير
وعقبال للي نعرفه ويعرفني

وياريت اغنية زوجوه حرام عليكم تجيب نتيجة زي زمان

كان هذا راني غنيتها
اعراس الالفية شبه السرية 497612385

نـــــــــــــــــــــــورتي اعراس الالفية شبه السرية 994164

زائر

والله كلام مزبوط مية في المية لكن مازال فيه عايلات يلعبو بخطة 5_3_2

زائر

والله كلام مزبوط مية في المية لكن مازال فيه عايلات يلعبو بخطة 5_3_2

ههههههههههه منوره عليها نوووور الاسلام صح في ناااس قاعدين يلعبو بيها خطة 5_3_2
اعراس الالفية شبه السرية 994164

يسلمووووووووووووووووووووووووووا والله انك ابدعت زي العادة ..

والله دنيااااااااااااا تمشي بالمقلوب ورب يسترنا دنيا وآخرة ..

اعراس الالفية شبه السرية 1124

ربك يستر علينا وخلاص لكن الله غالب الدنيا غلت وبدوا الناس ماديين وفيه ماعندهمش باش ياكلووو وهادي الحياة والائحة تطووول مشكوووووووووووووووره ملك دائما يسعدني مرورك اعراس الالفية شبه السرية 1124

متألق كالعادة

.

يسلمو ايديك

.

شكرا دكتورة نورتي اعراس الالفية شبه السرية 994164