سلام الله عليكم
من الاخر الجو اخي والحكاية ليل وكساااااااد وقاعد بروحي والكمبيوتر فيه فيروووس مهبلني مايبيش يمتسح
المهم من الوحدة قلت خليني نفتح راس موضوووع لكن الخوف ان يمشي يشكي فيا ولا يصيرله نزيف ومرات ميلقاش حد يتبرعله دم لكن نفتحه ونرفعه نخيطله راسه لكن قبل ماننسى مش عارف شنو بنكتب ولا شنو بنقول لاني ننسى هلبة عندي مشكلة زهاايمر
لكن المهم ساخف على روحي وقاعد وحدي قلت خليني نهدرز على روحي قبل مانرقد
المهم
ولا مش مهم خلونا في موضوعنا
توا بالله عليكم بينكم وبين انفسكم ماتقعدووش تتكلموا مع نفسكم
باهي ليش
امتى تكون مااشي مع حد من صحابك ولا عيلتك وتشوف واحد يتكلم مع روحه
تقولو عليه مهبوول باهي كان هو مهبوول احنا شنوا
هل اي حد يتكلم مع نفسه يولي مجنون او مختش..؟؟؟؟؟